Isa 22:1 | MPS | STEP | Genuai Bidigo te Na Yabo Odogo Bulu tede na dabe pedalabo po mani. Te genuai hanu Jerusalem we bidi dabe, dagego mena homu mu eyu, dagego hai olama, wiegi yai homu ebawe? Tama dage duga be peduba hola pelama, tama hai bomona mu olama, tama te kulukulu tigidali te hanu usu nubao. Naga te bidi dabe isali da. Augwali te bomai ami bidi dabe tiwai e hwįnama, isai menio. Te boi bidi dabego augwali moni hwągo elebeo. Menio.

Isaiah 22:1

Genuai Bidigo Jerusalem we bidi dabe dali wado po wali

1 Genuai Bidigo te Na Yabo Odogo Bulu tede
na dabe pedalabo po mani.
Te genuai hanu Jerusalem we bidi dabe,
dagego mena homu mu eyu, dagego hai olama,
wiegi yai homu ebawe?
Tama dage duga be peduba hola pelama,
tama hai bomona mu olama,
tama te kulukulu tigidali te hanu usu nubao.
Naga te bidi dabe isali da.
Augwali te bomai ami bidi dabe tiwai
e hwįnama, isai menio.
Te boi bidi dabego augwali moni hwągo elebeo.
Menio. ^{▼▼22:1-2Te Asiria boi bidi dabe aselama, te taun hanu Jerusalem bagua sagasali sogo, te Jerusalem bidi augwali te bidi dabe wi eyu, te augwali bomo elalu dolaluabo homu isąma, te Asiria ami bidi dabe dali hwįabo usu meni yai. Te Jerusalem bidi dabe meba te wi pelabo si da, te Asiria dabego augwali pageabi elama, te augwali ela muani. Tama meba te taun tomode bidaludubadi, te augwali gasi selama isiyu, ma nasi elama isiyu yalio.}